Verkleg eðlisfræði í Kvennó/Miðsóknarkraftur

Uppstilling tilraunaáhalda.

Spennugjafi er tengdur við snúningsmótor til að snúa rennu. Á rennunni hangir þríkrókalóð í bandi. Öðru megin við þríkrókalóðið er band fest í gorm en hinum megin lóð sem hangir yfir trissu.

Breytilegur massi á þríkrókalóði (hengimassi og radíus óbreytt)

• Vigtið þríkrókalóðið og skráið massa þess sem m
• Staðsetjið þríkrókalóðið við 23 cm.
• Festið 100 g hengimassa yfir trissuna og stillið þannig að þríkrókalóðið hangi lóðrétt.
• Setjið viðmið við appelsínugulu skífuna.
• Fjarlægið hengilóðið og trissuna.
• Aukið spennu þar til appelsínugula skífan er í sömu hæð og áður.
• Mælið lotutímann T (nokkrum sinnum til að fá áreiðanleg gögn).

Breytið massa þríkrókalóðs og endurtakið, samtals þrisvar.

• Reiknið hraða, miðsóknarhröðun og miðsóknarkraft og setjið öll gögn í töflu. Reiknið þyngdarkraft lóðs sem hangir yfir trissu.

Leiddu út jöfnu þar sem miðsóknarkraftur er fall af massa, radíus og lotutíma. Gerið graf af $4\pi ^{2}mr$ sem fall af $T^{2}$. Hallatalan gefur miðsóknarkraftinn.

Berið saman miðsóknarkraftinn við þyngdarkraft lóðsins. Reiknið prósentumun og útskýrið hvað veldur honum.

Breytilegur massi á hengilóði (massi þríkrókalóðs og radíus óbreytt)

• Staðsetjið þríkrókalóðið við 15 cm.
• Notist við 3 mismunandi hengilóð og gerið mælingar á lotutíma eins og áður.

Reiknið hraða, miðsóknarhröðun og miðsóknarkraft og setjið öll gögn í töflu. Reiknið þyngdarkraft lóðs sem hangir yfir trissu. Berið saman miðsóknarkrafta við þyngdarkrafta lóðsins. Reiknið prósentumun og útskýrið hvað veldur honum.

Ítarefni

Fyrirmynd þessa verkefnis er Kvennó - Verkleg eðlisfræði - Miðsóknarkraftur H24.docx eftir Leu Maríu Lemarquis og Mariu Victoriu Sastre Pedro.