Þurreiming á tré

Skýringarmynd af uppsetningu tilraunar.

Inngangur

Markmið tilraunar er að aðgreina efnablönduna sem myndar tré í sundur. Notast verður við þurreimingu til þess að skilja efnablönduna í sundur.

Efni og áhöld

Áhöld	Efni
2x tilraunarglös	Tré
Tappi með 1 gati	Vatn
Slöngur	Ís/klakar
2x Bikarglös	Kerti
Tappi með 2 götum
Erlenmayer flaska
Standur með klemmu
Standur fyrir kerti

Verklýsing

1. Takið saman þau áhöld sem þið þurfið.
2. Setið saman og stillið upp áhöldum eins og er sýnt á myndinni fyrir neðan.
3. Fáið kennara til að samþykkja uppsetningu.
4. Fáið kennara til þess að kveikja á kertunum.
5. Athugið hvenær reykur byrjar að myndast og hvort þið sjáið vökva þéttast í hinu tilraunarglasinu. Eru lofttegundir að koma í síðasta tilraunarglasið?
6. Hvað er að gerast?
7. Skráið hjá ykkur hvað þið sjáið.
8. Ganga frá. Efni í tilraunaglösum fara í ruslið. Vökvar og ís í vaskinn. Skola og þrífa tilraunaglös.

Ítarefni

Það er hægt að sleppa síðasta tilraunarglasinu þar sem lofttegundum er safnað saman en það þarf að passa að þær geta sloppið úr tilraunarglasinu sem er í klakabaðinu svo það byggist ekki upp þrýstingur inn í því og springi. Vökvinn sem þéttist í tilraunarglasinu hefur sterka lykt sem minnir á varðeld og er mælt með því að gera þessa tilraun í vel loftræstu rými eða úti. Vökvinn er efnablanda sem inniheldur blöndu af vatni, olíum og öðrum lífrænum efnum. Það væri hægt að tengja þessa tilraun við hvernig ýmsar ilmolíur eru framleiddar.