Hjálp:Notandasíðan þín

Settu inn fyrsta efnið

Þú getur alltaf farið á notandasíðuna þína með því að smella á notandanafnið þitt í efra hægra norninu. Ef þú hefur ekki búið hana til ennþá færðu glugga þar sem þú getur sett inn efni og vistað. Það eru tvær leiðir til að breyta efni á Kennarakvikunni.

VisualEditor ritillinn

Einfaldasta leiðin er að nota ritil sem kallast VisualEditor. Ef þú velur "Aðgerðir" í fellivallistanum efst á síðunni og svo "Breyta" geturðu breytt efninu á síðunni og vistað. Efst á síðunni birtist þá tólastiga þar sem þú getur mótað textann, sett inn myndir, töflur og sitthvað fleira).

Þú getur prófað að smella á eftirfarandi hlekk til að breyta notandasíðunni þinni með VisualEditor ritlinum.

Frumkóða síðu breytt

Eilítið óvenjulegri leið til að breyta efni á Kennarakvikunni er að breyta frumkóðanum. Þetta kemur flestum kynlega fyrir sjónir því í stað mótaðs texta eru alls kyns skrítin tákn sem skilgreina hvernig textinn á að líta út. Kosturinn við þetta er að þessi skrítnu tákn, svokölluð ívafstákn (e. markup), skilgreina nákvæmlega hvernig efnið á að líta út og er oft gagnlegt til að tryggja að það líti nákvæmlega út eins og það á að gera.

Það er líka þægilegt að afrita texta sem frumkóða. Prófaðu að setja inn eftirfarandi texta á notandasíðuna þína (breyttu grunnupplýsingunum svo þær passi þér):

Ég er umsjónarkennari á miðstigi í Hogwartsskóla og hef mikinn áhuga á náttúruvísindum, útikennslu, og huliðsseiðum.

== Efni frá mér ==
* [[/Verkefni fyrir 6. bekk]]
* [[/Útikennsla]]
* [[/Myndir frá heimsókn í skóla í Danmörku haustið 2023]]

== Hlekkir fyrir mig ==
* [[Búnaður fyrir náttúruvísindakennslu]]
* [[Notandi:Martin]]

Smelltu svo á Vista síðu og þá er síðan þín tilbúin.

Hvað er með þessi skrítnu tákn?

MediaWiki notar ívaf (e. markup) til að móta textann. Samasemmerkin búa til fyrirsagnir, stjörnurnar í línubyrjun búa til lista, og tvöföldu hornklofarnir búa til hlekki á síður með þeim titli hér á kvikunni. Það eru alls tákn sem leyfa ýmsa aðra mótun efnis. Ef þú ert forvitin(n) er fínt að renna í gegnum Notandahandbók Wikimedia.