Breyti Tink@School/Sjálfbært skraut (hluta)

=== Lok verkefnis (15 mínútur) ===
Í lokin er gott að endurmeta verkefnið með nemendum, gefa þeim tækifæri til að kynna skreytingarnar sínar og ræða ferlið.

Notaðu punktana sem skráðir voru niður á meðan á verkefninu stóð.  

* Lentu nemendur í erfiðleikum?
* Hvernig leystu þeir úr vandanum?
* Hverju eru þeir stoltastir af?
* Hvað fannst þeim svekkjandi eða vakti með þeim gremju?
* Hvaða vandamál náðist að leysa? Reyndu að ræða ekki útlit og fagurfræði heldur leggðu áherslu á Tinkering og tæknilega hluta.

Gaman væri að ræða við nemendur um það hvernig skrautið muni endast og hvernig það geti mögulega komið í staðinn fyrir eitthvað annað. Biddu nemendur um að útskýra hvort þeir bættu einhverju aukalega við skrautið (hreyfingu, þrívídd o.s.frv) og hvernig þeir fóru að því að framkvæma það.

Ræddu um að sjálfbærni sé mikilvægt málefni og leggðu áherslu á að ræða plastnotkun. Útskýrðu að plastmengun sé stórt vandamál sem taka þurfi á. Margar skreytingar eru gerðar úr plasti sem eyðileggst fljótt og er hent eftir litla notkun. Ljúktu verkefninu með þeim skilaboðum að nemendur hafi tekið þátt í að búa til skreytingar úr endurunnum efnum sem nýtast áfram og leggja þannig sitt af mörkum til að sporna við mengun í hafi.