Efnisheimurinn/Vertu gul

Úr skýringum við myndband: "Þessi tilraun byggist á sýrustigi. Kranavatn á Íslandi er alla jafnan basískt, sýrustig (pH) þess 8 eða hærra. Í loftinu sem við öndum frá okkur er talsvert magn af koltvíoxíði (CO 2). Þegar koltvíoxíð kemur í vatn myndast kolsýra (H2CO3):

${\ce {CO2(g) + H2 O(l) -> H2CO3(aq)}}$

Við þetta lækkar sýrustig vatnsins. Í sýnitilrauninni er notaður sérstakur litvísir, fenólrautt. Líkt og á við um aðra litvísa er litur þessa litvísis háður sýrustigi. Í basísku vatni er fenólrautt rautt á litinn en þegar sýrustigið fer niður fyrir 7 verður það gult. Með því einu að anda vel ofan í lausnina (vatnið) lækkar maður sýrustigið nógu mikið til að litur litvísisins breytist."