Breyti Verkleg eðlisfræði í Kvennó/Vinna og orka

== Markmið ==
Í þessari tilraun er orkuumbreyting vagns sem rennur niður skábretti könnuð og þeir kraftar sem verka á hann greindir.
[[Mynd:Verkleg eðlisfræði Kvennó - Vinna og orka.png|frame|Mynd af uppstillingu tilraunaáhalda.]]
== Framkvæmd ==
# Renna er fest á stand þannig að hún halli og haldist stöðug allan tímann. Ljósgátt er tengd við tímaboxið í innstungu 1.
# Staðsetjið ljósgátt við '''170 cm''' á kvarðanum á rennunni og mælið lóðrétta hæð ljósgáttarinnar. Kveikið á tímaboxinu og veljið SPEED með rauða rofanum og One Gate með þeim bláa. Ýtið á Start/Stop rofann (þá birtist * í glugganum þegar mælingatæki er tilbúið til að mæla). 
# Staðsetjið vagn með rákaspjaldi við 20 cm og mælið lóðrétta hæð vagnsins. Sleppið þannig að vagninn rúlli af stað og stöðvið hann eftir að hann hefur farið í gegnum ljósgáttina. Lesið gildið af tímaboxinu. Mæling er '''endurtekin 5 sinnum og meðaltal af augnablikshraða reiknaður'''.
# Skráið vegalengd sem vagninn fór í metrum, hraða sem hann náði í m/s, hæðarmun sem hann varð fyrir í metrum. 
# Mælið '''massa''' vagnsins. 
# Reiknið '''stöðuorku''' vagnsins áður en hann fer af stað, '''hreyfiorku''' vagnsins þegar hann er kominn niður og '''orkutap''' á leiðinni.
# Reiknið '''núningskraft''' sem verkar á vagninn.
# '''Teiknið kraftamynd''' fyrir vagninn og '''reiknið þyngdarkraft''', '''normalkraft''' og '''núningsstuðul'''. Notið hornaföll til að ákvarða hornið.
# Hvaða kraftur veldur því að vagninn rennur áfram? Reiknið hann.

== Ítarefni ==
Fyrirmynd þessa verkefnis er [[:Mynd:Vinna og Orka 24.docx|Vinna og Orka 24.docx]] eftir Leu Maríu Lemarquis og Mariu Victoriu Sastre Pedro.