Búnaður fyrir náttúruvísindakennslu/Saltsýra

Lýsing

Saltsýra (${\ce {HCl(aq)}}$) er vetnisklóríðgas (${\ce {HCl(g)}}$) leyst upp í vatni. Það er sterk sýra og er með pH-gildi í kringum -0,8 eða -1,0 fyrir 20-34% styrk m.v. massahlutfall.

Saltsýra er mikið notuð í iðnaði. Magasýrur mannfólks eru að miklu leyti saltsýra.

Innkaup

Saltsýra má fá í mismiklu magni en eini birginn sem höfundur þessa texta veit af er BYKO:

• Saltsýra (BYKO, 2100 kr. [2025.02.])

Öryggisatriði

Saltsýra er sterk sýra sem getur valdið alvarlegum bruna á húð, augnskaða og ertingu í öndunarfærum.

Vetnisklórgasið sem leyst er upp í vatninu losnar úr því og því þarf að gæta sín á að anda ekki að sér gufu eða ýringi af henni.

Við innöndun skal færa í ferskt loft, halda hita á viðkomandi, og í hvíld. Ef vafi leikur á greiningu skal leita læknis.

Við snertingu á húð skal fjarlægja föt sem efnið hefur farið á, skola með miklu vatni, og leita læknis.

Fyrir frekari viðbrögð, sjá öryggisblöð hér að neðan.

Öryggisblöð (SDS)

• Öryggisblað Málningar fyrir 30% saltsýru.
• Öryggisblað N1 fyrir 30/32% saltsýru.
• Öryggisblað Kemi fyrir 30% saltsýru.
• Öryggisblað Medor

Ítarefni

• Saltsýra á íslensku Wikipediu.
• Hydrochloric acid á ensku Wikipediu.